Ահա և սկսվեց ձմեռային ճամբարի երկրորդ շաբաթը: Այսօրը անցավ հիանալի, քանի որ բոլորի տրամադրությունները շատ բարձր էին: Օրը սկսվեց… Ինձ թվում է արդեն գիտեք, թե ինչպես`առավոտյան ընդհանուր պարապմունքով: Այն հիավալի էր: Այսպես բարձր տրամադրությամբ գնացինք դասարաններ: Մեկ ժամ անց մեկնարկեց Ձ.Մ.Խ.Բ (Ձմեռային Մարզական Խաղերի Բացումը): Բոլոր երեխաները նետվեցին բակ, սկսեցինք խաղալ, գլորվել ձյան մեջ: Բոլորի դեմքին ժպիտ էր: Ոչ ոք չէր տխրում, նույնիսկ այն ժամանակ, երբ ընկնում էր: Այսպես մի փոքր թաց մենք վերադարձանք դպրոց:
Իմ ջոկատը նախագծի շրջանակում պետք է գնար Արևմտյան դպրոց սովորող-սովորեցնողի համար: Սովորող-սովորեցնող նախագծի մեջ մտնում էր 4-5 դասարանցիներին մեր կազմած խնդիրները առաջարկել, բացատրել և լուծելն էր: Երեխաները շատ հետաքրքրասեր էին և մեծ հետաքրքրությամբ լսում էին մեզ: Ասեմ, որ բավականին դժվար էր լիներ դասավանդողի, այլ ոչ թե սովորողի կերպարում, քանի որ պետք է մեկ փաստը բացատրել մի քանի անգամ, չջղայնանալ և ինչու ոչ`լինել մի փոքր կատակասեր: Ինձ թվում է, որ իմ մոտ ստացվեց լինել և’ շատախոս, և’ հանգիստ, ինչպես նաև կատակասեր: Վերադարձին ամեն մեկը պատմում էր իր տպավորությունների մասին: Ոմանք ասում էին, որ շատ հեշտ էր, ոմանք չէին համաձայնվում, բայց միևնույնն է, բոլորի համար էլ հետաքրքիր փորձ էր: Այսպես վերադարձանք դպրոց: Մեզ սպասվում էր մարզական դասաժամը: Ասեմ, որ այդ դասաժամը իմ ամենասիրելի դասաժամերից մեկն է: Այս անգամ մենք խաղում էնք վոլեյբոլ: Ես եկրորդ անգամ էի խաղում վոլեյբոլ, բայց միևնույն ժամանակ, ասեմ, որ բավականին լա էի խաղում:
Հիանալի օր էր այսօրը և ես անհամբեր սպասում եմ ձմեռային ճամբարի 6-երորդ օրվան:
Կարինե Գոմցյան 