Սկսեմ նրանից, որ 2019 ուսումնական տարվա սկզբից՝ սեպտեմբերից, մեր դպրոցում տեղի է ունենում աուդիտ։ Քանի որ մենք չէինք կարող այդ ամենը գցել ականջի ետև, որոշեցինք Չաչանակներով՝ես, Շուշանը, Արթենին, սկսելու սումնասիրություն։Նախ՝ փորձեցինք հասկանալ, թե ով և ինչ է աուդիտը։ Ուսումնասիրության արդյունքում պարզեցինք, որ աուդիտը հաշվեստուգում է՝ կազմակերպության, համակարգի գործունեության, ծրագրի և արդյունքի անկախ գնահատման գործընթաց, իսկ ներքին աուդիտը՝ կազմակերպության աշխատողների կողմից իրականացվող աուդիտ է՝ վերահսկողություն։ Մի փոքր քննարկելուց հետո պարզեցինք, որ մենք էլ, որոշ չափով, աուդիտորներ ենք։Ասեմ, որ այս ամենը մեզ շարունակաբար սկսում էր ավելի և ավելի հետաքրքրել։ 3 օր ուսումնասիրությունից հետո, տիար Բլեյանի աջակցությամբ, կազմակերպեցինք աուդիտորների հետ շրջայց, որից հետո ենթադրում էինք հարցազրույց աուդիտորների հետ, որի ժամանակ կքննարկեինք մեզ հուզող հարցերի բոլոր մանրամասները։ Բայց, ցավոք սրտի, այդ հարցազրույցը չտեսագրվեց, քանի որ մեր հարգարժան հյուրերը տեղեկացրեցին, որ հարցազրույցը կարող է տեղի ունենալ մի այն հատուկ թույլտվությունից հետո, որը նրանք այդ պահին չունեին։ Նշեմ, որ նրանք չհրաժարվեցին քննարկում կազմակերպելուց, և մենք վերջ ի վերջո կարողացանք փոքրիկ քննարկում ուենալ և իմանալ հարցերի պատասխանները։ Հարցերը մի քանիսն էին և շատ պարզ։ Մեր հիմնական հարցն այն էր, թե որտեղ են նրանք հրապարակում իրենց ուսումնասիրությունների արդյունքները, իսկ եթե նույնիսկ չեն հրապարակում, ապա ինչո՞ւ։ Ստացանք հետևյալ պատասխանը, որի մեջ նշվում էր, որ ուսումնասիրության պատասխանները կարող են հրապարակված լինել միայն հատուկ թույլտվությամբ և ոչ ավելին, քանի որ դա արդեն կխախտի որոշակի իրավունքներ։ Մենք հարցրեցինք, թե արդյո՞ք կարողեն սովորողներն էլ օգտակար լինել աուդիտի ընթացքում՝ ասել իրենց բողոքները, առաջարկները և այլն, բայց պատասխանը հետևայլն էր, որ աուդիտը տեղի է ունենում միայն հստակ փաստերի հիման վրա և երեխաները, այս դեպքում՝ նաև մենք, չենք կարող օգտակար լինել։ Այսպես վերջացրեցինք մեր քննարկումը, քանի որ նրանք շտապում էին։ Ասեմ, որ կրթահամալիրի 30-ամյակի կապակցությամբ, մի քանի շաբաթ անընդմեջ, ամեն հինգշաբթի, լինելու են կրթահամալիրի տնօրեն տիար Բլեյանի հետ քննարկումներ։ Մենք պարտադիր մասնակցելու ենք և շարունակելու ենք մեր աուդիտները այդ քննարկումների ընթացքում։ Հուսամ, որ ի վերջո կստանանք այն բոլոր հարցերի պատասխանները, որոնք ունենք այսօր։ Մենք կրկին համոզվեցինք, որ ինքներս էլ համապատասխանում ենք աուդիտորների պաշտոնին, և մենք մեր կրթահամալիրի աուդիտորներն ենք, բայց բաց և թափանցիկ, ինչպես և հենց մեր կրթահամալիրը։ Մենք չենք հուսահատվում և շարունակելու ենք մեր աուդիտը ամբողջ կրթահամալիրով և ոչ միայն:
День: 7 октября 2019
Սիրելու տարիք։ Վանո Սիրադեղյան
- Տղան գիտեր, որ դժվարը կռվին նախորդող րոպեներն են։ Սաստկացող թշնամանքի մթնոլորտին նրա սիրտը չէր ընտելանում։ Թշնամանքի թույնը կաթում էր անքեն սրտի նուրբ թաղանթին եւ սրտխփոցը դղրդում էր ականջներում։ Բայց դա անցնում էր առաջին, երկրորդ, երրորդ հարվածից հետո․ ստանալուց կամ հասցնելուց։
- Նա քաջ գիտեր առաջին զարկի առավելությունը, բայց չէր կարող առանց ուղեղի մթանգնումի մարդու աչքերին նայել ու խփել եւ, որպես կանոն, առաջինը խփում էին իրեն։ Դա այնքան սարսափելի չէր։ Վատը կռվից մնացող քենն էր։ Այդ ոխակալ անվստահության տեւողությանը նրա սիրտը չէր դիմանում։ Ելքը այն էր, որ հակակշիռ թշնամանքով մտասեւեռվեր, թշնամանքի օդով սնվելով՝ իր կորովը տեղը պահեր․․․ Բայց դա ի՞նչ կյանք էր։ Շուրջբոլորը այնքա՜ն ներդաշնակ ու կոպտությունից շեղող բան կար, տղայի միտքը հափշտակող այնքա՜ն գաղտնիք կար ծալ-ծալ բացվող աշխարհի վրա, եւ նա այնքան ցրված էր լինում, այնքան անպատրաստ, զգոնությունը կորցրած այնքան, որ այս անգամ էլ առաջինը խփում էին իրեն։ Եվ շատ դեպքերում պատասխան չէին ստանում։
- Հիմա այդ կյանքը անցած շրջան էր։ Եթե առաջ կարելի էր անձնական վիրավորվածությանը կարեւորություն այնքան էլ չտալ, կարելի էր մի բան էլ կուլ տալ, ― հիմա ուրիշ էր։ Իր արժանապատվությունը այսուհետեւ իրենից բացի վերաբերելու է նաեւ մեկին։ Հարաբերությունները պարզելու համար ընդամենը երեք-չորս օր ժամանակ կար։ Օր կորցնել չէր կարելի։ Մինչեւ իր աղջկա գալը ինքը պիտի Մեծառեխին կա՛մ ծեծած լինի, կա՛մ աչքի փուշը կոտրած լինի։ Իր աղջկան շենում ծուռ նայող չպիտի լինի։ Իր աղջկա ներկայությամբ իրեն բան ասող չպիտի լինի։
Արցախ և Սյունիք․ Դաս․ աշ․
- Շարադրեք 18-րդ առաջին երեսնամյակի հայոց ազատագրական պայքարի առաջնորդների համեմատական բնութագրերը;
- Համեմատեք Արցախի և Սյունիքի զինված պայքարները;
- Վերլուծեք 18-րդ դարի առաջին երեսնամյակի հայոց զինված պայքարի արդյունքները:
Աղբյուր` Հայոց պատմություն, 8-րդ դասարան, էջ 11-19
Կարինե Գոմցյան 